پنجاب میں تعلیمی ادارے کھولنے کیلئے ایس او پیز تیار

نجاب بھر میں پرائیویٹ اور سرکاری تعلیمی ادارے کھولنے کے لئے وزارت تعلیم نے سخت اور فول پروف کرونا بچاؤ ایس او پیز تیار کر لیے ہیں۔

نئے ان ایس او پی کے تحت اسکول کھلنے پر کسی بھی اسکول میں اسمبلی نہیں ہوگی،طلبہ طالبات کو تفریح بھی نہیں دی جائیگی، ہر کلاس روم ٹیچرز اسٹاف روم اور واش رومز میں صبح سویرے جراثیم کش سپرے لازم ہوگا

ایس اوپیز کے تحت ایک ڈیسک پر تین کے بجائے 2 طلبہ بیٹھ سکیں گے،طلبہ طالبات ٹیچرز ایک دوسرے کو پین،پنسل کاغذ ربر،کھانا بھی نہیں دے سکیں گے۔ طلبہ ٹیچرز کا ہاتھ ملانا ممنوع ہوگا۔

ان ایس او پیز کے تحت کلاس میں صرف 3 مضامین ریاضی،انگریزی ،سائنس پڑھائی جائے گی دیگر مضامین کا صرف ہوم ورک دیا جائے گا،ایک کلاس میں 20بچے بیٹھ سکیں گے, طلبہ طالبات زیادہ ہونے کی صورت میں مارننگ اور ایوننگ دو شفٹیں کی جائیں گی۔