Home / international news / بھارت میں 4 لڑکوں کی19 سالہ لڑکی کے ساتھ جنسی زیادتی

بھارت میں 4 لڑکوں کی19 سالہ لڑکی کے ساتھ جنسی زیادتی

بھارت میں اونچی ذات کے ہندووں کے ہاتھوں اجتماعی زیادتی کا شکار دلت لڑکی ہسپتال میں دم توڑ گئی۔

تفصیلات کے مطابق دلت لڑکی سے اجتماعی زیادتی کے بعد اس کی موت سے بھارت میں غم وغصے کی لہر دوڑگئی ہے ، شہریوں نے مودی سرکار سے جلد از جلد لواحقین کو انصاف فراہم کرنےکا مطالبہ کردیا ہے اور احتجاجی مظاہرے کئے جارہے ہیں۔

رپورٹ کے مطابق یہ واقعہ بھارتی ریاست اترپردیش کے ضلع ہتراس میں 14ستمبرکو پیش آیا تھا جہاں اونچی ذات سے تعلق رکھنے والے4 ہندو نوجوانوں نے ایک 19 سالہ دلت لڑکی کو اجتماعی زیادتی کا نشانہ بنایا۔رپورٹ کے مطابق ملزمان نے لڑکی کو اس کے گھر سے اغوا کرکے ایک فارم ہاﺅس لے گئے جہاں اجتماعی زیادتی کے بعد اسے بدترین تشدد کا نشانہ بنایا، لڑکی کی زبان کاٹ ڈالی، لڑکی کی ریڑھ کی ہڈی توڑ دی جبکہ لڑکی کے پورے جسم پر تشدد کے نشانات تھے۔

متاثرہ لڑکی کو اترپردیش میں ابتدائی طبی امدادکے بعد شدید زخمی حالت میں مزید علاج کے لیے نئی دہلی کے ہسپتال منتقل کیاگیا تھا جہاں وہ منگل کے روز دم توڑگئی ہے۔پولیس نے کئی روز بعد ملزمان کیخلاف ایف آئی آر درج کی، پولیس کے مطابق اجتماعی زیادتی کے الزام میں 4 افراد کو گرفتار کیاگیا ہے اور اس حوالے سے تحقیقات کی جارہی ہیں۔

Share
  •  
  •  
  •  
  •  
  •  

Check Also

فرانس میں حضور ﷺ کا خاکہ کلاس میں دکھانے والے ٹیچر کو قتل کردیا گیا

 یورپی ملک فرانس میں ایک شخص نے حضور ﷺ کا خاکہ کلاس میں دکھانے والے …